मुंबई-पुणे प्रवास करणाऱ्यांसाठी महत्त्वाची बातमी आहे. तुम्ही मुंबई-पुणे प्रवास करणार असाल तर जरा थांबा. या मार्गावरून प्रवास टाळायला हवा. कारण एक्स्प्रेसवेवर प्रचंड वाहतूक कोंडी झालीय. काल संध्याकाळी खंडाळा घाटात आडोशी बोगदा या ठिकाणी एक केमिकल टँकर उलटला. त्यामधून ज्वालाग्रही गॅस लिकेज होतोय. प्रशासनाकडून टँकर हटवण्याचं काम युद्धपातळीवर सुरू आहे. मात्र तोपर्यंत वाहनांच्या सुरक्षेसाठी मुंबईकडील मार्ग बंद करण्यात आलाय. त्यामुळे दोन्ही मार्गावर वाहतूक कोंडी झाली असून आज एक्सप्रेसवेचा प्रवास शक्यतो टाळावा असं आवाहन करण्यात येतंय.
जवळपास 23 तास उलटून गेले तरीही पुणे–मुंबई द्रुतगती मार्गावरील परिस्थिती जैसे थे आहे. काल मंगळवारी सायंकाळी पाचच्या सुमारास आडोशी बोगद्याजवळ गॅस टँकर पलटी झाला होता. सुरक्षेच्या दृष्टीने दोन्ही बाजूंची वाहतूक थांबवण्यात आली, त्यामुळे वाहनांच्या तब्बल 15 ते 20 किलोमीटरपर्यंत रांगा लागल्या असून भीषण वाहतूक कोंडी निर्माण झाली आहे. अद्यापही गॅस टँकरमधून लिकेज सुरूच आहे. आज दुपारी पुण्याहून मुंबईच्या दिशेने एक लेन आणि मुंबईहून पुण्याच्या दिशेने दोन लेन वाहतुकीसाठी खुल्या करण्यात आल्या होत्या. मात्र परिस्थिती पूर्णपणे नियंत्रणात आलेली नसल्याने प्रशासनाकडून वाहनचालकांना अजूनही पर्यायी मार्गांचा वापर करण्याच्या सूचना देण्यात येत आहेत. परिणामी प्रवाशांचे मोठ्या प्रमाणावर हाल होत आहेत.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.