Mumbai Mega Block News: लोकल प्रवाशांनो, कृपया इथं लक्ष असू द्या! रविवारी नेमका कोणकोणत्या मार्गावर मेगाब्लॉक? जाणून घ्या सविस्तर

Mumbai Mega Block News Today मुंबई : मध्य आणि हार्बर रेल्वे मार्गावर रविवार मेगाब्लॉक असेल. सकाळी 11 वाजल्यापासून दुपारी 4 वाजेपर्यंत ब्लॉक घेण्यात येणार आहे. हार्बर मार्गावर घेण्यात येणाऱ्या ब्लॉकमुळे या विशिष्ट मार्गावरील लोकल काही काळ बंद असणार आहे. सीएसएमटी ते चुनाभट्टी दरम्यान घेण्यात येणाऱ्या देखभार दुरुस्तीच्या कामासाठी हार्बर मार्गावर ब्लॉक घेण्यात येणार आहे. त्यामुळे हार्बर लाईनवरुन प्रवास करणाऱ्या प्रवाशांना पर्यायी मार्गाचा वापर करण्याचं आवाहन करण्यात आलं आहे. दुसरीकडे मध्य रेल्वेवरही मेगाब्लॉक घेण्यात येणार आहे. ठाणे ते कल्याण अप आणि डाऊन धीम्या मार्गावर देखभाल दुरस्तीची कामं घेण्यात येणार आहेत.