Marathi School : मुंबईत मराठी शाळांची दैना, 6 वर्षांत 39 शाळा बंद | VIDEO

मुंबई शहरात पालकांचा कल इंग्रजी माध्यमाच्या शाळांकडे झुकत चालल्यामुळे मराठी माध्यमाच्या शाळांची संख्या झपाट्याने घटत आहे. मागील ६ वर्षांत मुंबईतील तब्बल ३९ मराठी माध्यम शाळा बंद करण्यात आल्या असल्याची माहिती शालेय शिक्षण मंत्री दादा भुसे यांनी दिली आहे.शालेय शिक्षण विभागाच्या माहितीनुसार, मराठी माध्यमातील शाळांमध्ये विद्यार्थ्यांची पटसंख्या दिवसेंदिवस घटत आहे. अनेक शाळांमध्ये विद्यार्थी शून्यावर पोहोचल्यामुळे त्या शाळा बंद करण्याशिवाय पर्याय उरलेला नाही.

शिक्षणमंत्री दादा भुसे यांनी एका प्रश्नाच्या लिखित उत्तरात सांगितले की, वाढती शहरीकरणाची झपाटी, इंग्रजी शिक्षणाची मागणी, आणि पालकांची बदलती मानसिकता यामुळे मराठी माध्यमातील शाळा अडचणीत येत आहेत.मराठी शिक्षण वाचवण्यासाठी सरकारकडून प्रयत्न सुरू असल्याचंही त्यांनी नमूद केलं आहे. मात्र वास्तव पाहता मराठी शाळांसमोर अस्तित्वाचा गंभीर प्रश्न उभा ठाकला आहे.