Mumbai Rain: स्वत:चा जीव धोक्यात घालून पाण्याला करून दिली वाट, बीएमसी कर्मचाऱ्याचा VIDEO व्हायरल

मुंबईमध्ये मध्यरात्रीपासून मुसळधार पाऊस पडत आहे. या पावसामुळे मुंबईच्या अनेक सखल भागात पाणी साचले. दादर येथील स्टेशन लगत असलेल्या हिंदू कॉलनीमध्ये देखील मोठ्या प्रमाणात पाणी साचल्याचे पाहायला मिळाले. ही कॉलनी स्टेशनला लागून असल्यामुळे या विभागात वाहनांची आणि नागरिकांची रहदारी मोठ्या प्रमाणात पाहायला मिळते. त्यातच त्याठिकाणी मोठा प्रमाणात पाणी साचले होते. म्हणून पालिका कर्मचाऱ्याने चक्क मॅनहोल उघडून त्याच्या शेजारीच छत्री घेऊन बसल्याचे पाहायला मिळाले. पाण्याचा निचरा होत नाही तोपर्यंत हा कर्मचारी त्याठिकाणीच बसून होता. याचा व्हिडीओ समोर आला असून तो सोशल मीडियावर व्हायरल होत आहे.