Mumbai Ahmedabad Highway : मुंबई-अहमदाबाद महामार्गावरील वाहतूक कोंडीत तब्बल 500 विद्यार्थी अडकले |VIDEO

मुंबई-अहमदाबाद महामार्गावर सुरु असलेल्या वाहतूक कोंडीमुळे नागरिक, शाळकरी मुले आणि रुग्णवाहिकांना मोठा त्रास सहन करावा लागत आहे. दहिसरच्या शारदाश्रम शाळेच्या 12 बसेस वज्रेश्वरीहून पिकनिकवरून परतताना या कोंडीत अडकल्या होत्या.यात तब्बल 500 हून अधिक विद्यार्थी तासन् तास बसमध्ये अडकून राहिले होते. या प्रकरामुळे स्थानिक नागरिकांनी संतप्त होत “आम्हाला इकडे जगावं की नाही?” असा सवाल उपस्थित केला आहे. दरम्यान या घटनेविषयी मनसे अध्यक्ष राज ठाकरे यांना कळवण्यात आले असता त्यांच्या फोननंतर प्रशासनाने तातडीने हस्तक्षेप करून विद्यार्थ्यांची सुटका करण्यात आली. तर नागरिकांनी वाहतूक कोंडीवर तातडीने उपाययोजना करण्याची मागणी केली आहे.