VIDEO : हर्षवर्धन पाटील यांच्या पक्ष प्रवेश सोहळ्यात अमोल कोल्हेंचं मोठं विधान

ही विजयाची सभा आहे. जनतेचे आभार मानतो हिंदुरुदय सम्राट शिवसेनाप्रमुख बाळासाहेब ठाकरे यांनी निर्माण केलेली शिवसेना फोडण्यात आली आणि महाराष्ट्रामध्ये कधी न दिसलेली गोष्ट ही प्रत्येकाच्या तोंडी आली. याआधी केवळ वस्तु विकत घेता येतात हे माहिती होत. मात्र आमदार आणि मंत्रीसुद्धा विकत घेता येतात हे दुर्दैवी चित्र महाराष्ट्रने पाहिलं. असं वक्तव्य खासदार अमोल कोल्हे यांनी केलं आहे. इंदापूरमध्ये भाजप नेते हर्षवर्धन पाटील यांच्या शरद पवार यांच्या राष्ट्रवादी कॉंग्रेस गटात पक्ष प्रवेश सोहळ्या प्रसंगी ते बोलत होते.

पुढे बोलताना कोल्हे यांनी हर्षवर्धन पाटील यांनी तुतारी हाती घेतल्याबद्दल त्यांचं कौतुक केलं आहे. ''हर्षवर्धन पाटील यांनी स्वाभिमानाची निवडणूक लढण्यासाठी विजयाची, महाराष्ट्र धर्माची तुतारी हाती घेतली आहे. ज्यांनी जखम दिली त्यांना सुट्टी नाही.'' अशा शब्दांत त्यांनी या पक्षप्रवेशावर आपली प्रतिक्रिया दिली आहे. 'तेव्हा 40 आमदार गेले म्हणून पक्ष कसा टिकणार असं वाटत असताना आता 1600 इच्छुकांनी आमदारकीसाठी तुतारी हाती घेण्याचा निर्णय घेतला आहे. हे सगळं शरद पवार यांच्या हिमतीने शक्य झालं असल्याचं देखील त्यांनी म्हंटल आहे.