Nashik News: मनसैनिकांनी गोदावरी नदीत मारल्या धडाधड उड्या|VIDEO

अभिजीत सोनवणे, साम टीव्ही

नाशिकच्या गोदावरीवर प्रचंड खर्च होऊनही ती स्वछ का झाली नाही,तसेच प्रशासनाने या कामात मोठ्या प्रमाणात भ्रष्टाचार केल्याचा आरोप मनसेने केला आहे. प्रशासनाच्या या भोंगळ कारभारामुळे गोदावरीचे पावित्र्य संकटात सापडले असून गोदावरी प्रदूषणाच्या मुद्यावरून शेतकरी, साधू संत यांना बरोबर घेऊन आंदोलन करण्याचा इशारा मनसेने दोन दिवसापूर्वी दिला होता.

आज मनसेचे प्रदेश सरचिटणीस दिनकर पाटील यांच्या नेतृत्वात गोदावरी नदीमध्ये धडाधड उड्या मारून आंदोलन करण्यात आले. मनसे गुढीपाढवा मेळाव्यात राज ठाकरेंनी व्हिडिओ दाखवत नद्यांची झालेली अवस्था दाखवली होती. यानंतर मनसे आक्रमक झाली आहे, 2027 ला नाशिकमध्ये कुंभमेळा होणार असून नदीवर झालेली पानवेली, गोदावरीत सोडले जाणारे दूषित पाणी या सगळ्याच्या निषेधार्थ मनसे पदाधीकाऱ्यांनी नदीत उडी मारून प्रशासनाचा तीव्र निषेध व्यक्त केला.