अमित ठाकरेंना पोलिसांची नोटीस; शिवाजी पुतळा अनावरणाचा वाद चिघळला|VIDEO

मनसे नेते अमित ठाकरे यांना नवी मुंबई पोलिसांनी नोटीस पाठवली आहे, मात्र त्यांनी ती स्वीकारण्यास नकार दिला आहे. नवी मुंबईतील नेरुळ येथे छत्रपती शिवाजी महाराजांच्या पुतळ्याचे अनावरण करताना जमाव जमवल्याप्रकरणी त्यांच्यावर गुन्हा दाखल करण्यात आला होता. याच संदर्भात पोलिसांनी ही नोटीस बजावली होती. यावर प्रतिक्रिया देताना अमित ठाकरे म्हणाले, 'छत्रपती शिवाजी महाराजांसाठी माझ्यावर गुन्हा दाखल झाला ही खरंच चांगली गोष्ट आहे'. काही दिवसांपूर्वी, अनेक महिन्यांपासून झाकून ठेवलेल्या छत्रपती शिवाजी महाराजांच्या पुतळ्याचे अमित ठाकरे यांनी अनावरण केले होते. या वेळी परवानगीशिवाय गर्दी जमवल्यामुळे पोलिसांनी कारवाई करत गुन्हा दाखल केला, ज्यामुळे हा वाद अधिकच वाढला आहे.