Amravati News : रवी राणा यांना मोठा धक्का ! जितू दुधानेंनी सोडली राणांची साथ | Video

आमदार रवी राणा यांच्या युवा स्वाभिमान पक्षाचे मुख्य प्रवक्ते जितू दुधाने यांनी राजीनामा दिला आहे. त्यामुळे विधानसभा निवडणुकीच्या तोंडावर आमदार रवी राणा यांना हा मोठा धक्का बसला आहे.

विधानसभा निवडणूक जाहीर होताच राजकीय गोट्यात वेगवान घडामोडी घडत आहेत. सर्व पक्षांत खलबतं सुरू असतानाच आता अमरावतीत आमदार रवी राणा यांच्या युवा स्वाभिमान पक्षाला एन विधानसभा निवडणुकीच्या तोंडावर खिंडार पडलं आहे. युवा स्वाभिमान पक्षाचे मुख्य प्रवक्ते जितू दुधाने यांनी पक्षाचा राजीनामा दिला आहे. पक्षात घुसमट होत असून जबाबदारीतून मुक्त करावं असं दुधाने यांनी राजीनाम्यात म्हंटलं आहे. जितू दुधाने हे रवी राणा यांचे अत्यंत निकटवर्तीय मानले जात होते. मात्र आता त्यांच्या राजीनाम्याने राजकीय वर्तुळात चर्चा रंगल्या आहेत.