VIDEO: Kamathipuraचा कायापालट होणार! म्हाडा विकासक नेमणार

मुंबईतील कामाठीपुऱ्याचा कायापालट होणार अशी माहिती मिळत आहे. विकासक नेमण्यासाठी म्हाडा लवकरच निविदा काढणार असून आचार संहिता लागण्यापूर्वीच म्हाडा निविदा काढण्याची शक्यता वर्तवली जात आहे. कामाठीपुरातील अनेक इमारती मोडकळीस आल्या आहेत. कामाठीपुरातील अनेक इमारती या 100 वर्षाहून अधिक जुन्या आहेत. कामाठीपुराच्या समूह पुनर्विकास, नियंत्रण नियमावली ३३ (९) अंतर्गत म्हाडाच्या मुंबई इमारत दुरुस्ती व पुनर्रचना मंडळामार्फत करण्यात येणार आहे. कामाठीपुऱ्याचा पुनर्विकास झाल्यास मुंबईत इमारत दुरुस्ती आणि पुनर्रचना मंडळाला हजारो घरे उपलब्ध होणार आहेत. सल्लागार कंपनीकडून तयार करण्यात आलेला विकास आराखडा म्हाडाकडून राज्य सरकारकडे परवानगीसाठी सादर करण्यात आला आहे.