मराठा आरक्षणासाठी मनोज जरांगे यांच्या नेतृत्वाखाली मुंबईत आंदोलन सुरू
अभिनेता रितेश देशमुख यांनी सोशल मीडियावर आंदोलकांना पाठिंबा दर्शवला
त्यांनी मनोज जरांगे यांच्या आरोग्यासाठी प्रार्थना केली
सरकारने लवकरात लवकर तोडगा काढावा अशी रितेश देशमुख यांची अपेक्षा
ओबीसी समाजातून आरक्षण मिळावे या मागणीसाठी मराठा आंदोलक मनोज जरांगे हे लाखोंच्या संख्येने मुंबईत तळ ठोकून आहे. राज्याच्या कानाकोपऱ्यातून मराठा बांधव हे मुंबईत दाखल झालेय आणि जो पर्यंत आरक्षण मिळणार नाही तो पर्यंत मुंबई सोडणार नाही असा ठाम निर्धार मनोज जरांगे आणि मराठा बंधावांनी घेतला आहे. अशातच राज्याचे माजी मुख्यमंत्री दिवंगत विलासराव देशमुख यांचा मुलगा अभिनेता रितेश देशमुख यांनी सोशल मीडियावर पोस्ट केली आहे.
रितेश देशमुख म्हणाला, सकल मराठा समाजाचे बांधव आपल्या न्याय मागण्यांसाठी शांततापूर्ण मार्गाने मुंबईत आले आहेत. या मागण्या योग्य प्रकारे पूर्ण होऊन सर्व आंदोलक सणासुदीच्या काळात सुखरूप आपल्या घरी परततील, अशी मनःपूर्वक आशा. श्री. मनोज जरांगे जी हे उपोषणावर आहेत. त्यांच्या आरोग्यासाठी मी प्रार्थना करतो आणि लवकरच यावर समाधानकारक तोडगा निघावा, मराठा समाजाला न्याय मिळावा अशी अपेक्षा आहे, रितेश देशमुख म्हणाला.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.