Maratha Reservation: मराठा समाजाच्या आरक्षणासाठी काढलेला जीआर रद्द करा; समता परिषदेचे जोरदार निदर्शने|VIDEO

मनोज जरांगे यांच्या आंदोलनानंतर सरकारने हैद्राबाद गॅझेटीयरनुसार कुणबी प्रमाणपत्र देण्याचा अध्यादेश काढल्यानंतर आता ओबीसी नेते हे आक्रमक झाल्याचे पाहायला मिळताय. राज्यभरात आता ठिकठिकाणी याचे पडसाद उमटायला सुरुवात झाली. राज्य सरकारने मराठा आरक्षणासंबंधी जीआर काढल्याने राज्यातील ओबीसी आता आक्रमक झाल्याचं बघायला मिळत आहे.सरकारने मराठा समाजाच्या आरक्षणासाठी काढलेला जीआर रद्द करावा, मराठा समाजाला आरक्षण ओबीसीतून देण्यात येऊ नये या मागणीसाठी आज बुलढाणा जिल्हाधिकारी कार्यालयासमोर समता परिषदेकडून निदर्शने करण्यात येत आहेत. यावेळी जिल्हाधिकारी कार्यालय परिसर घोषणांनी दणाणून निघाला आहे.