Maharashtra Politics : सोलापूरात तणावाचं वातावरण; मराठा आंदोलकांनी अजित पवारांचा ताफा अडवला, पाहा VIDEO

मुंबई : सोलापुर जिल्ह्यातील मोहोळमध्ये मराठा आंदोलकांनी अजित पवारांचा ताफा अडवण्याचा प्रयत्न केलाय. मोहोळमधील अनगरनगर पंचायत पाणी पुरवठा योजनेचे उपमुख्यमंत्री अजित दादा पवार यांच्या हस्ते उदघाटन झालंय. यावेळी कार्यकर्त्यांनी बाईक रॅली काढली होती. सोलापुरात अजित पवारांच्या गाडीचा ताफा अडवण्याचा प्रयत्न आज मराठा आंदोलकांनी केलाय.

मोहोळमध्ये अजित पवार यांच्या जनसन्मान यात्रेचा मराठा आंदोलकांनी अडवण्याचा प्रयत्न केल्यामुळे मोठं तणावाचं वातावरण निर्माण झालं होतं. अनगर ते मोहोळ दरम्यान अजित दादा यांच्या कार्यकर्त्यांनी बाईक रॅली काढली होती. मराठा आंदोलकांनी यावेळी 'एक मराठा लाख मराठा' अशी जोरदार घोषणाबाजी केली. मराठा समाज बांधव रस्त्यावर उतरले होते. रस्त्याच्या दोन्ही बाजूंनी वाहतूक ठप्प झाली होती. मनोज जरांगे पाटील यांच्या आमरण उपोषणाचा आज सहावा दिवस असून त्यांची प्रकृती खालावत चालल्याने मराठा समाज आक्रमक होत आहे.