Maratha Reservation : सोलापूर-धुळे महामार्गावर रास्तारोको

वडीगोद्रीमध्ये पुन्हा तणाव वाढला आहे. सोलापूर धुळे महामार्गावर मराठा आंदोलकांकडून रास्तारोको करण्यात येत आहे. मराठा आणि ओबीसी आंदोलक पुन्हा आमनेसामने आल्यानं हा तणाव वाढला आहे. याठिकाणी पोलिसांनी बंदोबस्त वाढवला आहे.

मराठा आणि ओबीसी आंदोलक आमने सामने येऊन घोषणाबाजी करत आहेत. याठिकाणी पोलिसांकडून तगडा बंदोबस्त असतानाही मराठा आणि ओबीसी आंदोलक आमने-सामने येत आहे. अंतरवाली सराटीच्या रस्त्यालाच लक्ष्मण हाके यांच आमरण उपोषण स्थळ असल्याने मराठा आंदोलक अंतरवाली सराटीत येत आहे त्यामुळं गोंधळ होत आहे. त्यातच आता मराठा आंदोलकांनी सोलापूर धुळे महामार्गावर रास्तारोको सुरू केला आहे. जालना जिल्ह्यातील वडीगोद्री येथे शुक्रवारी रात्रीच्या सुमारास मोठा राडा झाला होता. मनोज जरांगे पाटील यांना भेटण्यासाठी निघालेल्या मराठा बांधवांची वाहने पोलिसांनी बॅरिकेट्स लावून अडवली. त्या ठिकाणी काही ओबीसी बांधव देखील होते. यावेळी मराठा आणि ओबीसी बांधवांमध्ये चांगलीच बाचाबाची झाली होती. त्यानंतर आता पुन्हा एकदा मराठा आंदोलक यांनी ओबीसी आंदोलक एकमेकांसमोर आले आहेत.