Manoj Jarange Patil : 'ना महायुती, ना महाविकास आघाडी'; मनोज जरांगे यांनी स्पष्टच सांगितलं, पाहा VIDEO

मुंबई : मराठा आंदोलक मनोज जरांगे यांची काल जालन्यामध्ये पत्रकार परिषद पार पडलीय. यावेळी जरांगे पाटील म्हणाले की, मी माझ्या मुद्द्यावरती ठाम आहे. माझ्या जीवात जीव आहे, तोपर्यंत गोरगरीब मराठ्यांना आरक्षण ओबीसीतून मिळावं यावर कायम ठाम असणार आहे. मला इथे मातृत्वाची भूमिका घ्यावी लागते, अशी भूमिका मनोज जरांगे पाटील यांनी स्पष्ट केलीय.

मी कोणाचाच होऊ शकत नाही. कोणत्या महाविकास आघाडीचा, कोणत्या महायुतीचा देखील नाही. मी फक्त मराठ्यांचा आहे, असं मनोज जरांगे पाटील म्हणालेत. मी जातीवादी नाही. आरक्षणावर चर्चा झालीच. मला आरक्षणाशिवाय दुसरा वेळ नाही, समोरच्या लोकांचं वेगळंच असतं आणि माझं वेगळंच असतं, असा टोला देखील जरांगे यांनी लगावला आहे. निवडणुकीच्या तयारीसाठी कागदपत्र अगोदरच काढून ठेवा. मराठा आता परिवर्तनाच्या दिशेने निघालेला आहे, असं वक्तव्य जरांगे यांनी केलंय.