मराठा आंदोलक मनोज जरांगे पाटील यांनी जाहीर केलेल्या ऑडिओ क्लिपमुळे राज्याच्या राजकारणात मोठी खळबळ उडाली आहे. एकनाथ शिंदे यांनी भाजपकडून जरांगे यांचे आंदोलन दडपण्यासाठी ५०० कोटी रुपये घेतल्याचा संवाद या क्लिपमध्ये असल्याचा दावा केला जात आहे. याच मुद्द्यावर मनोज जरांगे पाटील यांनी 'साम टीव्ही'च्या ‘ब्लॅक अँड व्हाईट’ या कार्यक्रमात मुलाखत देत सरकारवर जोरदार निशाणा साधला.
साम टीव्हीचे मुख्य संपादक नीलेश खरे यांनी, "तुम्हाला कोणापासून जीवाला धोका आहे का?" असा प्रश्न विचारला असता मनोज जरांगे पाटील म्हणाले, "त्यांना मला बदनाम करायचे होते आणि संपवायचे होते. मी गरिबांच्या बाजूने उभा राहतो, म्हणून मी गरिबांच्या बाजूने राहू नये असा त्यांचा प्रयत्न होता. गरिबांच्या वाट्याला का जाता? मी कोणत्याही संकटाचा सामना करायला तयार आहे, मी कोणालाही भीत नाही. माझ्या घरावर हल्ला करायचा असेल तर करा. आता खरं दाबायचे आहे म्हणून हे लोक रस्त्यावरही हल्ला करू शकतात. पण जर हल्ला करायचा असेल, तर मागून येऊ नका, समोरून या... मग दाखवतो मी कसा आहे," असा इशारा जरांगे पाटील यांनी दिला.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.