VIDEO : 'माझ्या पाठिंब्यासाठी काही लोक पैसे मागताय', मनोज जरांगेंचा आरोप

निवडणुकीसाठी जर कोणी पैसे मागत असेल तर देऊ नका, असं मनोज जरांगे पाटील यांनी म्हंटलं आहे. त्याचबरोबर मी पैशावर पाठिंबा देतो असं सांगून माझं नाव सांगणाऱ्याला मी मुद्दाम पाडेल असा इशारा देखील जरांगे यांनी दिला आहे. मराठा आंदोलक मनोज जरांगे यांची 31 ऑक्टोबर रोजी दलित, मुस्लिम, मराठा समीकरणाबाबत बैठक होणार आहे. समीकरणाशिवाय पर्याय नाही. ही बैठक अधिकृत असेल. या बैठकीत काय निर्णय होईल, हे उद्याच कळेल. दिवाळीपर्यंत कुणीही आंतरवाली सराटीत येऊ नये, असे आवाहनही मनोज जरांगे यांनी समाजबांधवांना केलं आहे.

माझा पाठिंबा देण्यासाठी काही लोक पैसे मागत असल्याचा आरोप आज मनोज जरांगे पाटील यांनी केला आहे. आज त्यांची तब्बेत खालावली होती. त्यांची तपासणी झाल्यावर त्यांनी माध्यमांशी संवाद साधला. यावेळी त्यांनी उपमुख्यमंत्री देवेंद्र फडणवीस यांच्यावर देखील निशाणा साधला आहे. मराठा आरक्षणावर निर्णय घेण्याबद्दल आम्ही त्यांना वारंवार मागणी केली होती. मात्र त्यांनी आमचा विश्वासघात केला, असं जरांगे यांनी म्हंटलं आहे.

Edited By Rakhi Rajput