Video: 'दंगल घडवण्यासाठी...' सरकारवर गंभीर आरोप, Manoj Jarange यांनी नेमकं काय म्हटलं?

लक्ष्मण हाके यांनी सुरु केलेल्या आमरण उपोषणावरुन मनोज जरांगे यांनी महत्त्वाचं विधान केलंय. जातीपातीमध्ये दंगल घडवण्यासाठी सरकारनं हे आंदोलन उभं केलं, असा आरोप मराठा आंदोलक मनोज जरांगे पाटील यांनी केला आहे. तुम्ही माझ्या मराठ्यांना बुडवायला निघालेला आहात, तुम्हाला नाही बुडवलं, तर माझं नाव बदलेन, असं जरांगेंनी म्हटलंय. सरकारनं जाती-जातीत आंदोलन उभं केलं, असा आरोपही जरांगेंनी केला. गरज पडली तर मी एखादं पाऊल मागे सरकेन, पण सरकारचा दंगल घडवण्याचा हेतू पूर्ण होऊ देणार नाही, असंही जरांगेंनी म्हटलंय. लक्ष्मण हाके यांनी ओबीसी आरक्षणाला कोणताही धक्का लागू नये, यासाठी आमरण उपोषण सुरु केलंय. या उपोषणाचा आजचा नववा दिवस आहे. त्या पार्श्वभूमीवर बोलताना जरांगेंनी महत्त्वाचं विधान केलंय.