Pune Fake Degree News । पुण्यातून बोगस डिग्री, ठाण्यात बँकेत मिळवली नोकरी, तरुणाचे फुटले बिंग

पुण्यातून बी.कॉम केल्याचे भासवत एका तरुणाने ठाण्यातील बँकेत नोकरी मिळवली. पण या तरुणाची डिग्री बोगस निघाल्याचे निष्पण्ण झाले आहे. वैभव सुभाष जाधव असे या तरुणाचे नाव आहे. पुण्यातील सावित्रीबाई विद्यापीठाच्या सलंग्न महाविद्यालयातून आपण वाणिज्य शाखेची पदवी घेतल्याचे वैभव जाधव यांनी सांगितले. बँकेकडे त्याने आपली पदवीचे प्रमाणपत्रही दिले होते. पण खातरजमा केल्यावर ही कागदपत्र खोटी असल्याचे समोर आले. यासाठी विद्यापीठाची एक खोटी वेबसाईटही बनवल्याचे समोर आले आहे. या प्रकरणात एखादे रॅकेट कार्यरत असल्याचा अंदाज व्यक्त केला जात आहे.