Fake Baba: दारू सोडायला गेला, बाबाने धू धू धुतलं; VIDEO व्हायरल

दारूच्या व्यसनातून मुक्ती मिळवण्यासाठी गेलेल्या एका व्यक्तीला तथाकथित बाबाकडून बेदम मारहाण करण्यात आली. या घटनेचा धक्कादायक व्हिडिओ सध्या सोशल मीडियावर व्हायरल होत आहे. या घटनेचे नेमके ठिकाण आणि वेळ अद्याप स्पष्ट झालेली नाही. व्हायरल होत असलेल्या या व्हिडिओमध्ये एक साधूबाबा दारू सोडण्यासाठी आलेल्या व्यक्तीला हाताने मारहाण करताना स्पष्टपणे दिसत आहे. संबंधित व्यक्ती बाबाच्या पाया पडत असतानाही त्याला वारंवार चोप दिला जातो. यावेळी आजूबाजूला उपस्थित लोक केवळ पाहत उभे असल्याचेही दिसते. दरम्यान, हा व्हिडिओ जुना असल्याची शक्यता व्यक्त केली जात असून त्याची अधिकृत पुष्टी अद्याप झालेली नाही. भोंदूबाबांच्या वाढत्या प्रकारांच्या पार्श्वभूमीवर हा व्हिडिओ पुन्हा चर्चेत आला आहे.