महाराष्ट्राच्या राजकारणात उलथापालथ, दिग्गजांना जमलं नाही ते सपकाळांनी करून दाखवलं

काँग्रेसच्या दिग्गज नेत्यांना आतापर्यंत जे जमलं नाही ते विद्यमान प्रदेशाध्यक्ष हर्षवर्धन सपकाळ यांनी करून दाखवलं आहे. काँग्रेस आणि वंचित बहुजन आघाडी यांची युतीची घोषणा आज होणार आहे. डॉ.धैर्यवर्धन पुंडकर (प्रदेश उपाध्यक्ष),सिद्धार्थ मोकळे (प्रदेश उपाध्यक्ष तथा मुख प्रवक्ता),चेतन अहिरे (मुंबई प्रदेशाध्यक्ष), स्नेहल सोहनी (मुंबई महिला आघाडी प्रदेशाध्यक्ष), सागर गवई (मुंबई युवा आघाडी प्रदेशाध्यक्ष) यांच्या उपस्थितीत युतीची घोषणा करण्यात येणार आहे. थोड्याच वेळात याची घोषणा होणार आहे. ही युती फक्त मुंबईपुरतीच नव्हे तर राज्यभरात होऊ शकते, असे संकेतही मिळाले आहेत.

काँग्रेस-वंचित यांच्या युतीचे प्रयत्न मागील काही वर्षांपासून सुरू होते. पण यश मिळत नव्हते. पण महापालिका निवडणुकीआधी या युतीवर शिक्कामोर्तब होत आहे. या घडामोडीकडे राज्यातील राजकीय वर्तुळाचे लक्ष लागले आहे.