Mahatma Gandhi Statue Vandalised : इटलीमध्ये खलिस्तानी समर्थकांनी तोडला महात्मा गांधींचा पुतळा, कारवाई करण्याची भारताची मागणी

इटलीमध्ये खलिस्तानी समर्थकांनी महात्मा गांधी यांच्या पुतळ्याची तोडफोड केली आहे. इटलीमध्ये जी-७ शिखर परिषद होणार आहे. या परिषदेला भारताचे पंतप्रधान नरेंद्र मोदी उपस्थित राहणार आहेत. त्यांच्यात हस्ते या पुतळ्याचे अनावरण होणार होते. पण त्यापूर्वीच इटलीतल्या काही खलिस्तानी समर्थकांनी या पुतळ्याची नासधूस केली. या घटनेचा भारताने तीव्र निषेध केला आहे. तसेच दोषींवर कारवाई करण्याची मागणीही भारताने केली आहे. इटली सरकारने या पुतळ्याची दुरूस्ती केली असून अनावरणासाठी हा पुतळा पुन्हा सज्ज झाला आहे.