Congress: सरकारला जागं करण्यासाठी युवक काँग्रेसचं आंदोलन; विधानभवनाला घेराव घालण्याचा प्रयत्न

बेरोजगारी, कायदा-सुव्यवस्था,महिला सुरक्षेचे प्रश्न, शिक्षण आणि शेतकऱ्यांचे मुद्द्यांवरून सरकारला जागं करण्यासाठी युवक काँग्रेसनं आंदोलन केलं. युवक काँग्रेसच्या नेत्यांनी हातात बेड्या घालून सरकारविरोधात आंदोलन केलं. विविध मुद्द्यावरून सरकारला जाग आणण्यासाठी काँग्रेसच्या नेत्यांनी हे आंदोलन केलं. भारतीय युवक काँग्रेसचे राष्ट्रीय अध्यक्ष उदय भानू छिब व प्रदेशाध्यक्ष कुणाल राऊत यांच्या नेतृत्वाखाली आंदोलन करण्यात आले. मुंबईत युवक काँग्रेसने आक्रोश मोर्चा काढला. पुण्याहून आंदोलनकर्ते मुंबईत आले होते.

आंदोलनकर्त्यांना विधानभवनाला घेराव घालायचा होता. पोलिसांनी विधान भवनाच्या आवारात बॅरिकेड्स लावण्यात आली होती. मात्र कार्यकर्ते बॅरिकेड्सवर चढून आंदोलन करू लागली होती. मुंबई काँग्रेस भवन कार्यालयाबाहेर मोठ्या प्रमाणात कार्यकर्त्याची गर्दी झाली. MRCC कार्यालय ते मुंबई ते विधानभवनापर्यंत मोठा मोर्चा काढत कार्यकर्त्यांची जोरदार घोषणाबाजी केली. काँग्रेस कार्यकर्ते विधानभवनाला घेराव घालत होते. त्यावेळी पोलिसांनी त्यांना मज्जाव केला. त्यानंतर काँग्रेस कार्यकर्ते आक्रमक झाले. तेव्हा पोलिसांकडून कार्यकर्त्यांची धरपकड केली जात आहे.