Assembly Election Results : राजकीय हलचालींना सुरवात; ओझर विमानतळावर खासगी विमान दाखल

नाशिकच्या विमानतळावर खासगी विमान दाखल झालं आहे. नाशिकमधल्या ओझर विमानतळावरती हे खाजगी विमान तैनात करण्यात आलं आहे. अदानी ग्रुपचं हे विमान असल्याची माहिती सूत्रांकडून मिळत आहे.

विधानसभा निवडणूकचा निकाल आज जाहीर होत आहे. राज्यात कोणाची सत्ता येणार, कोणाला बहुमत मिळणार यावर सगळ्यांचं लक्ष लागलं आहे. मात्र बहुमत मिळालं नाही तर अपक्ष आणि बंडखोर आमदारांना आपल्या बाजूने वळवण्याच्या अनुषंगाने राज्यात राजकीय पक्षांच्या हालचाली सुरू झाल्या आहेत. तसंच निकालानंतर आपल्या आमदारांना देखील सुरक्षित स्थळी हलवण्यासाठी त्यातच नाशिकच्या ओझर विमानतळावरती एक खासगी विमान दाखल झालं आहे. हे 6 सीटर खाजगी विमान अहमदाबादहून नाशिकमध्ये आलं असून ते अदानी ग्रुपचं असल्याची माहिती सूत्रांकडून देण्यात आली आहे. दरम्यान, नाशिक प्रमाणेच जळगाव विमानतळावर देखील सिक्स सीटर खाजगी विमान तैनात ठेवणार असल्याची माहिती सूत्रांनी दिली आहे.

Edited By Rakhi Rajput