Weather Update : राज्यात पावसाचा ब्रेक! पुढील 5 दिवस पावसाचा जोर कमी, हवामान विभागाचा अंदाज | VIDEO

राज्यात मागील काही आठवड्यांपासून सुरु असलेल्या मुसळधार पावसानंतर आता पुढील ५ दिवस पावसाचा जोर काहीसा कमी होण्याची शक्यता हवामान विभागाने वर्तवली आहे.आज मध्य महाराष्ट्र आणि मराठवाड्यात तुरळक ठिकाणीच पावसाची शक्यता आहे, तर विदर्भात मात्र काही ठिकाणी मध्यम ते जोरदार पावसाचा अंदाज व्यक्त करण्यात आला आहे.

हवामान विभागाच्या आकडेवारीनुसार, जून आणि जुलै महिन्यांत कोकण आणि मध्य महाराष्ट्रात सरासरीपेक्षा अधिक पाऊस झालेला आहे. मात्र मराठवाडा विभागात पावसाने ओढ दिल्याने या भागात अद्यापही सरासरीपेक्षा कमी पावसाची नोंद झाली आहे.पावसात झालेल्या या असमतोलामुळे शेतीच्या कामांवरही परिणाम जाणवत असून, मराठवाड्यातील शेतकरी अजूनही समाधानकारक पावसाच्या प्रतीक्षेत आहेत.