Maharashtra Politics : कोथरूड विधानसभेवरून भाजपमध्ये कलह; विद्यमान नगरसेवकाने दिला बंडखोरीचा इशारा, VIDEO

मुंबई : पुण्यात कोथरूड विधानसभेवरून भाजपमध्ये रस्सीखेच सुरू झालीय. शहर विकास समितीचे अध्यक्ष आणि माजी नगरसेवक अमोल बालवडकर यांनी शड्डू ठोकलाय. रक्षनाबंधाच्या पार्श्वभूमीवर आज त्यांनी बालेवाडीत शक्तिप्रदर्शन करत कोथरूड विधानसभेतून इच्छुक असल्याचं स्पष्ट केलंय. कोथरूडमध्ये सध्या उच्च आणि तंत्र शिक्षणमंत्री चंद्रकांत पाटील हे विद्यमान आमदार आहेत. तरीही बालवडकर यांनी इच्छुक असणं गैर नसल्याचं म्हटलंय. त्यामुळे राजकीय वर्तुळात चर्चांना पेव फुटलंय.

पक्ष मला नक्कीच संधी देईल, असं बालवडकर यांनी म्हटलंय. इलेक्टिव्ह मॅरिटच्या आधारावर पक्ष विचार करेल. परंतु, माझा विचार न केल्यास योग्य तो निर्णय घेईल, असं म्हणत बंडखोरीचा सूचक इशारा अमोल बालवडकर यांनी दिलाय. यानिमित्ताने कोथरूड विधानसभेत भाजपमध्ये कलह सुरू झाल्याचं बघायला मिळतंय.