Maharashtra Politics: 'मी ढेकणांना आव्हान देत नाही' Uddhav Thackeray यांचा निशाणा कुणावर? VIDEO

मुंबई: पुण्यात आज शिवसेना शिवसंकल्प मेळावा पार पडत आहे. या मेळाव्यात उद्धव ठाकरे यांनी शिवसैनिकांना संबोधित केलंय. यावेळी बोलताना उद्धव ठाकरेंनी देवेंद्र फडणवीसांवर अप्रत्यक्षपणे टीका केलीय. मी कोणत्याही ढेकणांना आव्हान देत नाही, असा टोला त्यांनी लगावला आहे. ढेकणांना आव्हान दिले जात नाही, तर त्यांना अंगठ्याने चिरडून टाकले जाते, असा इशारा देखील उद्धव ठाकरेंनी दिलाय. महाराष्ट्राला लुटणारा पक्ष असल्याची टीका उद्धव ठाकरेंनी विरोधकांवर केलीय.

पाऊस पडला, पूर आला. गेल्या काही दिवसांत पूर्ण देशात बऱ्याच ठिकाणी पूर आलाय. भूसख्खलन होतंय, गुन्हे घडत आहे. या गुन्हेगारांना लटकवण्यासाठी आपलं सरकार येणं गरजेचं असल्याची भूमिका उद्धव ठाकरेंनी स्पष्ट केलीय. पुणे शहरात जॉगिंग ट्रॅक वैगेरे होणार, परंतु ते झाल्यामुळे शहराची हाणी देखील होणार असल्याचं उद्धव ठाकरे म्हणाले आहेत. विधानसभा निवडणुकीत भाजपची राजकीय कबर महाराष्ट्रात बांधायची आहे, असं आवाहन ठाकरेंनी शिवसैनिकांना आजच्या मेळाव्यात केलंय.