Maharashtra Politics: लातूरमध्ये शरद पवारांना मोठा धक्का, अनेक बड्या नेत्यांनी सोडली साथ; 'कमळ' घेणार हाती

लातूर शहरातील राजकारणात मोठा भूकंप आला आहे. लातूरमध्ये राष्ट्रवादी काँग्रेस शरद पवार गट आणि प्रहार पक्षाला मोठं खिंडार पडलं आहे. अनेक बड्या नेत्यांनी शरद पवार गट आणि प्रहार पक्षाला रामराम ठोकला. आज हे सर्वजण भाजपमध्ये प्रवेश करणार असून ते कमळ हाती घेणार आहे. चाकूर तालुक्यातल्या १५० कार्यकर्त्यांचा आज मुंबई येथे भाजपात प्रवेश केला जाणार आहे.

लातूरच्या चाकूर येथील कृषी उत्पन्न बाजार समितीचे सभापती, उपसभापती आणि चाकूर नगरपंचायतीचे माजी नगराध्यक्ष यांच्यासह १५० कार्यकर्त्यांचा आज मुंबई येथे भाजपात प्रवेश होणार आहे. तर आज चाकूरमधून ७० ते ८० गाड्यांचा ताफा मुंबईकडे रवाना झालाय. दरम्यान या प्रवेशामुळे चाकूर तालुक्यात राष्ट्रवादी शरद पवार गट आणि प्रहार पक्षाला मोठे खिंडार पडणार आहे. तर आज सकाळी या कार्यकर्त्यांचा ताफा मुंबईकडे रवाना झाला आहे.