Maharashtra Politics : पुण्यात भाजपची ताकद वाढली, काँग्रेसच्या बड्या नेत्याचा भाजपमध्ये प्रवेश

पुण्यात भारतीय जनता पक्षाची ताकद वाढली आहे. काँग्रसचे माजी आमदार आणि जिल्हा काँग्रेस कमिटीचे अध्यक्ष संजय जगताप यांनी भाजपमध्ये प्रवेश केला आहे. भाजप प्रदेशाध्यक्ष रवींद्र चव्हाण यांच्या उपस्थितीमध्ये पक्षप्रवेश सोहळा पार पडला. रवींद्र चव्हाण हे आज माजी आमदार संजय जगताप यांच्या भाजप प्रवेशासाठी सासवड येथे आले होते. पक्षप्रवेशापूर्वी रवींद्र चव्हाण यांनी जेजुरी येथील खंडोबाला जाऊन तिथं खंडोबाचे दर्शन घेतले. त्यांच्या समवेत माजी आमदार संजय जगताप हे देखील उपस्थित होते. 'माझे परममित्र गेले अनेक वर्ष संजय जगताप यांनी आणि मी एकत्र काम केलं आहे, ते देवेंद्र फडणवीस यांच्या नेतृत्वात भारतीय जनता पार्टीमध्ये प्रवेश करत आहेत हे आनंदाची बाब आहे, असे वक्तव्य रवींद्र चव्हाण यांनी पक्षप्रवेशाच्या वेळी केले.