Onion Export: कांदा निर्यातीसंदर्भात मोठी बातमी! बेंगलोर रोझ कांद्यावरील 40% निर्यात शुल्क वगळलं

कांदा निर्यातीसंदर्भात एक मोठी बातमी समोर आली आहे. बेंगलोर रोझ कांद्यावरील ४० टक्के निर्यात शुल्क वगळण्याचा निर्णय घेण्यात आला आहे. केंद्र सरकारने हा निर्णय घेतल्याचं समोर आलंय. निर्यात शुल्कातून कर्नाटकच्या कांद्याला वगळल्यानं आता महाराष्ट्रातील कांदा उत्पादक शेतकरी आक्रमक होण्याची शक्यता आहे. लवकरात लवकर केंद्र शासनाने बेंगलोर रोझ सारखाच निर्णय महाराष्ट्रातील कांद्यालाही लागू करावा, अशी मागणी राज्यातील कांदा उत्पादक शेतकऱ्यांकडून घेतली जातेय. दरम्यान, या निर्णयामुळे महाराष्ट्रातील कांदा उत्पादक शेतकऱ्यांवर अन्याय का? असा प्रश्न उपस्थित केला जातोय. मुंबई बाजार समितीचे संचालक जयदत्त होळकर यांनी केंद्राच्या या निर्णयावर महत्त्वाची प्रतिक्रियाही दिलीय. नेमकं त्यांनी यावेळी काय म्हटलं, तेच या व्हिडीओच्या माध्यमातून जाणून घेणार आहोत.