VIDEO | सुप्रिया सुळेंचा मोबाइल, व्हॉट्सअॅप हॅक, बिहारचा हॅकर, २०० डॉलर्सची मागणी

अक्षय बडवे, साम टीव्ही, प्रतिनिधी

पुणे : खासदार सुप्रिया सुळे यांचा मोबाइल हॅक करणाऱ्याने 200 डॉलर्सची मागणी केली असून, याप्रकरणी पुणे पोलीस तपास करत आहेत. सुप्रिया सुळे यांचा मोबाइल आणि व्हॉट्सअॅप काल हॅक झाला होता. या प्रकरणी त्यांनी तक्रार देखील दाखल केली होती. आता या प्रकरणात नवी अपडेट समोर आली आहे. सुळे यांच्या खात्यावरून 200 डॉलर्सची मागणी करण्यात आली होती. अकाउंट हॅक करणारा तरूण हा बिहार राज्यातील असल्याची माहिती सूत्रांकडून देण्यात आली. पोलीस त्याचा शोध घेत आहेत.

दुसरीकडे, मोबाइल हॅक झाल्यानंतर सुप्रिया सुळे यांनी प्रतिक्रिया दिली आहे. मोबाइल कुणाचाही हॅक होऊ शकतो. पोलिसांनी मला माहिती दिली आहे की, हॅकची नवीन सिस्टिम आली आहे. मला एक मेसेज आला आणि मी तो ओपन केल्यानंतर तो हॅक झाला. फोन टॅपिंग नवीन नाही, असे त्या म्हणाल्या. (Supriya Sule Mobile Phone and Whatsapp hacked )