बाबो! तंबाखू ५०० रुपये, दारु २५ हजार रुपये; जेलमधून बाहेर आलेल्या गुन्हेगारानं आतल्या वस्तूंची किंमतच सांगितली|VIDEO

तुम्ही महाराष्ट्रातल्या कुठल्याही जेलमध्ये गेलात तर त्या जेलमध्ये अगदी मॉल प्रमाणे तुम्हाला चुरमुऱ्यापासून दारूपर्यंतच्या सर्व वस्तू मिळण्याची मुभा आहे. मात्र या वस्तू खरेदी करत असताना याचे दर पाहिले तर आपले डोळे पांढरे झाल्याशिवाय राहणार नाहीत. एका मारामारी प्रकरणी कोल्हापुरातील बिंदू चौक जेलमध्ये शिक्षा भोगून आलेल्या एका तरुणाने जेल मधील वस्तूंचे रेट कार्ड साम टीव्ही ला सांगितले आहे. साध्या तंबाखूच्या पुडीचा दर 500 रुपये, तर दारूच्या एक कॉटर तब्बल 25 हजार रुपये. जेलमध्ये पैसा फेको तमाशा देखो अशी स्थिती असल्याची माहिती या तरुणांने साम टीव्हीला दिलेली आहे.