Maharashtra Politics: एकनाथ शिंदेंच्या बालेकिल्ल्यात राजकीय रंगांची उधळण; विरोधकांना शुभेच्छा अन् टोलेबाजी, VIDEO

उपमुख्यमंत्री एकनाथ शिंदे यांनी आज ठाण्यात कार्यकर्त्यांसोबत रंग खेळत होळी साजरी केली. यावेळी त्यांनी राज्यातील जनतेला होळीच्या शुभेच्छा दिल्या आणि राजकीय रंगांची उधळणही केली.

शिंदे म्हणाले, धर्मवीर आनंद दिघे यांनी ठाण्यात धूलिवंदनाच्या दिवशी कार्यकर्त्यांसोबत रंग खेळण्याची परंपरा सुरू केली होती. गणपती, दहीहंडी, दिवाळी आणि होळी हे सण मोठ्या उत्साहात साजरे करण्याची परंपरा त्यांनी घालून दिली. आज आम्ही तीच परंपरा पुढे नेत आहोत.

यावेळी त्यांनी नागरिकांना पर्यावरणपूरक रंगांचा वापर करण्याचे आवाहन केले. तसेच विरोधकांनाही शुभेच्छा देत ते म्हणाले, रंगपंचमीच्या उत्सवामध्ये दोस्त दोस्त के भी गले लगता है, दुश्मन भी दोस्त के गले लगता है, दुश्मन भी दुश्मन के गले लगता है. बुरा ना मानो, होली है! त्यामुळे मी विरोधकांनाही चांगले विचार, सद्बुद्धी लाभो, आणि चांगल्याला चांगले म्हणण्याची बुद्धी मिळो, अशी ईश्वरचरणी प्रार्थना करतोअसा टोला त्यांनी विरोधकांना लगावला.