Chandrakant Patil: बुके नको,मला मते द्या, चंद्रकांत पाटील यांची कार्यकर्त्यांना साद

मंत्री चंद्रकांत पाटील यांना आज भाजपने उमेदवारी जाहीर केल्यानंतर त्यांच्या निवासस्थानी कार्यकर्त्यांनी एकच गर्दी केली. यावेळी अनेकांनी चंद्रकांत पाटील यांना पेढे भरवून त्यांचे अभिनंदन केलं. यावेळी काही कार्यकर्ते यांनी चंद्रकांत पाटील यांना फुलांचा गुच्छ देखील देण्यासाठी आणला होता. यावेळी मुश्किलपणे चंद्रकांत पाटील यांनी कार्यकर्ते यांना "फुलांचे बुके नको मला मते द्या" अशी साद घातली. यावेळी कार्यकर्त्यांनी हा फुलांचा गुच्छ विजयाचा गुच्छ आहे असं सांगितलं. आनंदाची भावना आहे.पक्षाने पुन्हा एकदा विश्वास दाखवला.

मला नक्की विश्वास होता उमेदवारी मिळेल. मला वाटतं अमोल बालवडकर खूप चांगले नेते आहेत पक्षाला नुकसान होणार नाही. केंद्रीय नेतृत्व प्रवासातून काही निर्णय घेतात, सर्वेक्षण मधून देखील निर्णय होता. पक्ष निष्ठा, पक्षांसाठी कामं करणे असे अनेक निकष आहेत. माझा विशवस आहे बालवडकर, भिमाले पक्षाला नुकसान करणार नाहीत अशी अपेक्षा आहे. अजूनही काही जागांवर सर्व्हे करून , समन्वय करू असे काही विषय आहेत. पण जागा नक्की निश्चित होतील, असं चंद्रकांत पाटील म्हणाले.