ठाणे, पुण्यासह ३४ जिल्हा परिषद अध्यक्षपदाच्या आरक्षणाचा GR जाहीर, वाचा यादी | VIDEO

गेल्या अनेक वर्षांपासून जिल्हा परिषदेच्या निवडणुका कधी जाहीर होणार, याबाबतची उत्सुकता होती. तब्बल २ ते अडीच वर्षांपासून जिल्हा परिषदेच्या निवडणुका रखडल्या होत्या. मात्र आता अखेर शासनाकडून मोठा निर्णय घेण्यात आला आहे. राज्यातील ३४ जिल्हा परिषदांच्या अध्यक्षपदांसाठीचं आरक्षण जीआर जाहीर करण्यात आलं आहे. महाराष्ट्र शासनाकडून याबाबतचा अधिकृत जीआर जारी करण्यात आला असून, त्यात एकूण ३४ जिल्हा परिषद अध्यक्षपदांचं आरक्षण निश्चित करण्यात आलंय.

राज्य शासनाने याबाबतचे परिपत्रक जारी केलंय. पुणे जिल्हा परिषद अध्यक्षपद सर्वसाधारण गटासाठी घोषित करण्यात आलं आहे. तर, ठाणे जिल्हा परिषदेचं अध्यक्षपद सर्वसाधारण महिलांसाठी आरक्षित करण्यात आलं आहे. तर सातारा जिल्हा परिषद अध्यक्षपद मागासवर्गीय महिलांसाठी आरक्षित करण्यात आलं आहे. याची संपूर्ण यादी जारी करण्यात आली आहे.