Laxman Hake Video : बदनाम करण्याचा डाव, 'त्या' क्लिपवर हाकेंचं स्पष्टीकरण, नेमकं काय घडलं सांगितलं

Laxman Hake Viral Video : ओबीसी आंदोलन थांबावं यासाठी मला बदनाम करण्यासाठी अशा प्रकारचे षडयंत्र रचले असल्याची प्रतिक्रिया ओबीसी नेते लक्ष्मण हाके यांनी दिली आहे. पैसे देण्या-घेण्याचा एक व्हिडिओ व्हायरल झाल्यानंतर लक्ष्मण हाके यांनी ओबीसी आंदोलन काही केलं तरी थांबणार नाही. आम्हाला जेलमध्ये घाला आमच्या त्या व्हिडिओची ज्या काही यंत्रणा आहे त्यापासून चौकशी करा. मात्र ओबीसीचा लढा सुरूच राहील, अशी प्रतिक्रिया दिली आहे.

लक्ष्मण हाके यांच्या संदर्भातील ऑडिओ क्लिप व्हायरल...

ओबीसी नेते लक्ष्मण हाके यांची एक ऑडिओ क्लिप सध्या चांगलीच व्हायरल होत आहे. या ऑडिओ क्लिप मधील एका तरुणाने लक्ष्मण हाके यांना सामाजिक कार्यात पेट्रोलसाठी आपण तुम्हाला पैसे देत असल्याचे सांगितले. यावर हाके यांनी आपल्या ड्रायव्हरचा यूपीआय नंबर दिला. हाके यांनी आपण खात्यावर पैसे घेत नसल्याचे सांगितले. हाके यांच्या संदर्भातील ऑडिओ क्लिप सध्या चांगलीच व्हायरल झाली आहे.