Nalasopara : नालासोपाऱ्यात शॉर्टसर्किटमुळे इमारतीला आग | VIDEO

पूर्वेकडील नऊ मजली लंबोदर अपार्टमेंटमध्ये लागलेल्या आगीने परिसरात खळबळ उडाली आहे. आगीमुळे सर्वत्र काळाकुट्ट धुर पसरला होता. घटनेची माहिती मिळताच अग्निशमन दलाच्या जवानांनी तातडीने घटनास्थळी धाव घेत आगीवर नियंत्रण मिळवलं. सुदैवाने आग लागली तेव्हा घरात कुणीही नव्हतं त्यामुळे जीवितहानी टळली मात्र या आगीत घराचे मोठं नुकसान झाले आहे. प्राथमिक तपासानुसार, ही आग शॉर्टसर्किटमुळे लागण्याचा अंदाज वर्तवण्यात आला आहे. अचानक लागलेल्या आगीमुळे नागरिकांमध्ये भीतीचे वातावरण निर्माण झाले होते. आगीनंतर अपार्टमेंट परिसरात सुरक्षितेसाठी खबरदारीचे उपाय सुरु करण्यात आले आहेत.