Kopargaon Nagarparishad: भाजप आणि अजित पवार गटाचे कार्यकर्ते भिडले, मतदान प्रक्रियेदरम्यान राडा | Video Viral

कोपरगावमध्ये सुरू असलेल्या मतदानादरम्यान एस. जी. महाविद्यालयातील मतदान केंद्रावर मोठा गोंधळ उडाला. भाजप आणि राष्ट्रवादी काँग्रेसच्या उमेदवारांच्या समर्थकांमध्ये जोरदार बाचाबाची झाली. मतदारांवर उमेदवारांचे प्रतिनिधी प्रभाव टाकत असल्याचा आरोप दोन्ही गटांनी एकमेकांवर केला. हा वाद पोलिसांच्या समोरच उफाळून आला. परिस्थिती चिघळत असल्याचे लक्षात येताच पोलिसांनी तात्काळ हस्तक्षेप करत दोन्ही गटांच्या कार्यकर्त्यांना मतदान केंद्राच्या परिसरातून दूर हटवलं. या कारवाईदरम्यान मतदार प्रतिनिधी आणि पोलिसांमध्येही शाब्दिक चकमक झाली. कोपरगावमध्ये काळे आणि कोल्हेंची प्रतिष्ठा पणाला लागल्याने मतदानाच्या दिवशी कार्यकर्त्यांमध्ये घमासान पाहिल्या मिळत आहे.