Konkan Railway News : प्रवाशांना मोठा दिलासा; कोकण रेल्वे तब्बल 26 तासानंतर ट्रॅकवर

रत्नागिरी : कोकण रेल्वेमार्गावर दिवाणखवटी येथे दरड कोसळण्याची घटना रविवारी घडली होती. दरड कोसळण्याच्या घटनेमुळे कोकण रेल्वेची वाहतूक विस्कळीत झाली होती. आता अखेर ही रेल्वेसेवा २६ तासांनी पुन्हा सुरु झाली आहे. कोकण रेल्वे पुन्हा ट्रॅकवर आल्याने प्रवाशांना मोठा दिलासा मिळाला आहे.

रत्नागिरीतून मांडवी एक्स्प्रेस रवाना होईल. मांडवी एक्स्प्रेस ही मुंबईच्या दिशेने जाणारी पहिली गाडी असेल. त्यानंतर दोन्ही बाजूच्या गाड्या सुरु करण्यात येतील. मागील २६ तासांपासून कोकण रेल्वेसेवा ठप्प असल्याने प्रवाशांचे प्रचंड हाल झाले. मात्र, कोकण रेल्वे तब्बल २६ तासानंतर ट्रॅकवर आल्याने प्रवाशांना मोठा दिलासा मिळाला आहे.