Panchganga River Water : पंचगंगा नदीच्या पाणीपातळी मोठी वाढ, तब्बल ५२ बंधारे पाण्याखाली, धडकी भरवणारा VIDEO

रणजित माजगावकर, साम टीव्ही कोल्हापूर

कोल्हापूर : सध्या राज्यातील अनेक जिल्ह्यांमध्ये मुसळधार पाऊस कोसळत असून नदी-नाले तुडूंब भरून वाहत आहेत. कोल्हापूर जिल्ह्याला देखील दोन दिवसांपासून मुसळधार पावसाने झोडपून काढलं आहे. त्यामुळे पंचगंगा नदीच्या पाणीपातळीत मोठी वाढ झाली आहे. प्राप्त माहितीनुसार, पंचगंगा नदीची पाणीपातळी ३२ फुटांवर पोहचली आहे. कोल्हापुरातील तब्बल ५२ बंधारे पाण्याखाली गेले आहेत.

पंचगंगा नदीची इशारा पातळी ३९ फूट असून धोक्याची पाणीपातळी ४२ फूट इतकी आहे. त्यामुळे जिल्ह्यात असाच पाऊस सुरू असला, तर कोल्हापुरात पूरस्थिती निर्माण होऊ शकते. हीच बाब लक्षात घेता प्रशासन सतर्क झाले आहे.

दरम्यान, कोल्हापूर जिल्ह्यात गेल्या १५ दिवसांपासून पडत असलेल्या मुसळधार पावसामुळे पंचगंगा नदी पात्राबाहेरून वाहू लागलेली आहे. तर नदीपात्राशेजारी असणाऱ्या शेतीमध्ये देखील नदीचे पाणी घुसलेल आहे