Pahalgam Attack: काश्मीर हल्ल्यातील मृतांचे पार्थिव मुंबई विमान तळावर दाखल|VIDEO

काश्मीर खोऱ्यातील पहलगाम येथील बैसरन येथे पोलिसांच्या गणवेशात आलेल्या दहशतवाद्यांनी पर्यटकांवर हल्ला केला. यात महाराष्ट्राच्या सहा जणांसह 28 पर्यटकांचा मृत्यू झाला असून 15 हून अधिक जखमी आहेत. विशेष म्हणजे दहशतवाद्यांनी पर्यटकांना धर्म विचारून अंदाधुंद गोळीबार करत स्वर्गभूमीवर रक्ताचा सडा शिंपडला.

यामध्ये महाराष्ट्राचे जे नागरिक मृत्यू झाले आहे. त्यांचे पार्थिव आता विशेष विमानाने मुंबईत आणण्यात आले आहे. या हल्ल्यानंतर महाराष्ट्रातील सहा जणांना आपला जीव गमवावा लागला. या सर्व सहा जणांचे पार्थिव मुंबई विमानतळावर दाखल झाले आहे.

विशेष विमानाने या पर्यटकांचे मृतदेह श्रीनगर येथून मुंबईत आणले आहेत. आता अॅम्ब्यूलन्सद्वारे हे मृतदेह डोंबिवली आणि पुणे येथे घेऊन जाणार आहेत. मृतदेह घेऊन जाण्यासाठी दोन रुग्णवाहिका सध्या मुंबई कार्गो विमानतळावर दाखल झाल्या आहेत. एक शववाहिका पनवेल महापालिका आणि दुसरी शववाहिका डोंबिवली महापालिकेची आहे.