डोक्यावर पदर, हातात संविधान..; सावित्रीबाई फुलेंच्या वेशात ज्योती वाघमारेंची खासदारकीची शपथ, व्हिडिओ व्हायरल

महाराष्ट्रातील नवनिर्वाचित राज्यसभा खासदारांचा आज सोमवारी राज्यसभेत शपथविधी पार पडला. राज्यसभेत शरद पवार, रामदास आठवले आणि इतर खासदारांचा शपथविधी पार पडला. या शपथविधीत ज्योती वाघमारे यांनी सर्वाचं लक्ष वेधून घेतलं. शिवसेना नेत्या ज्योती वाघमारे यांनी राज्यसभेत सावित्रीबाई फुले यांचा वेशात खासदारकीची शपथ घेतली. डोक्यावर पदर, हातात संविधान आणि कपाळावर आडवी चिरी लावत वाघमारेंनी शपथ घेतली.

राज्यसभेत हा भावनिक आणि ऐतिहासिक क्षण पाहायला मिळालाय. सामाजिक परिवर्तनासाठी कार्य करणाऱ्या सावित्रीबाई फुले यांच्या विचारांना अभिवादन करण्यासाठी ज्योती वाघमारेंनी हा वेशात केल्याचं सांगितलं जात आहे. या अनोख्या शपथविधीमुळे राज्यसभेत उपस्थित सदस्यांनीही टाळ्यांच्या गजरात स्वागत करण्यात आलं. या शपथविधीचा व्हिडिओ सोशल मीडियावर मोठ्या प्रमाणात व्हायरल होत आहे.