Jitendra Awhad : जितेंद्र आव्हाड हातात बेड्या घालून विधान भवनात, नेमकं प्रकरण काय? VIDEO

Maharashtra Budget session 2025: अर्थसंकल्पीय अधिवेशनाला आजपासून सुरुवात झाली. पहिल्याच दिवशी सत्ताधाऱ्यांनी घेरण्यासाठी विरोधकांकडून आक्रमक पवित्रा घेतला गेला. शरद पवार गटाचे आमदार जितेंद्र आव्हाड हे हातात बेड्या घालून विधानभवनात दाखल झाले. जितेंद्र आव्हाड यांची सोशल मीडियावर जोरदार चर्चा सुरू झाली. जितेंद्र आव्हाड बेड्या घालून विधानभवनात का दाखल झाले ? याची चर्चा सुरू झाली. जितेंद्र आव्हाड यांनी बेड्या घालून येण्याचे कारणही सांगितेल.

महाराष्ट्रात आणि भारतात अभिव्यक्ती स्वातंत्र्य चिरडलं जातेय, त्यामुळे हातात बेड्या घातल्या आहेत, असे जितेंद्र आव्हाड यांनी प्रसारमाध्यमांशी बोलताना सांहितले. अभिव्यक्ती स्वातंत्र्यावर जो घाला घातला जातोय. ज्या पद्धतीने व्यक्त होणाऱ्या कार्यकर्त्यांवर गुन्हे दाखल केले जातात, त्यांचे आवाज दाबण्याचा प्रयत्न केला जात आहे. ही पद्धत चुकीची आहे. व्यक्त होणं हा संवैधानिक अधिकार आहे, व्यक्त होता आलेच पाहिजे, आमचे अधिकार शाबूत राहिले पाहिजेत, त्यामुळे बेड्या घातल्या आहेत, असे आव्हाड म्हणाले.