Akola News : राड्यानंतर नेमकं काय घडल? मालोकारचं सिसिटीव्ही फुटेज

अकोला जिल्ह्यामधील मनसे कार्यकर्ते जय मालोकारच्या मृत्यू प्रकरणाला वेगळं वळण लागण्याची शक्यता आहे. जय मालोकारच्या शवविच्छेदन अहवालात अनेक धक्कादायक गोष्टी समोर आल्या आहेत. जय मालोकारचा मृत्यू जबर मारहाणीनं झाल्याचं शवविच्छेदन अहवालात उघड झालं होतं. त्यानंतर आता या घटनेचं सिसिटीव्ही फुटेज समोर आलं आहे. जय मालोकार याला रुग्णालयात दाखल करण्याआधीचं ही फुटेज आहे.

मनसे कार्यकर्त्यांनी अजित पवारांवर टीका करणाऱ्या अमोल मिटकरी यांची गाडी फोडण्याची घटना जुलै महिन्यात घडली होती. यानंतर गुन्हा दाखल झालेल्या कार्यकर्त्यांपैकी जय मालोकारचा मृत्यू हृदयविकारानं झाल्याचा दावा करण्यात आला होता. त्यानंतर जयच्या शवविच्छेदन अहवालातून अनेक खुलासे झाले होते. आता या संपूर्ण घटनेचा सिसिटीव्ही कॅमेऱ्यात कैद झालेला व्हिडिओ समोर आला आहे. त्यामुळे या सर्व प्रकरणाला वेगळं वळण मिळणार आहे. तर मिटकरींसोबत झालेल्या राड्याच्या ताणातूनच जय यांचा मृत्यू झाल्याचा आरोप मनसेनं केला आहे. त्यामुळे राडा झाल्यानंतर तीन तासांत जयसोबत नेमकं काय झालं होतं याची चौकशी करण्याची मागणी जयच्या कुटूंबियांनी केली आहे. या प्रकरणाची उच्चस्तरीय चौकशी करण्याची कुटूंबियांची राष्ट्रपती, पंतप्रधान, मुख्यमंत्री आणि गृहमंत्र्यांकडे मागणी करण्यात आली आहे.