Jalgaon Crime News : जळगावात भर रस्त्यात तरुणाची हत्या, घटनेनं परिसरात गंभीर वातावरण

जळगाव जिल्ह्यात खुनाची मालिका अद्यापही थांबलेली नाही. शहरातील नाथवाडा परिसरात सिंधी कॉलनी रस्त्यावर एका तरुणाचा गळा चिरून खून करण्यात आल्याची घटना आज पहाटेच्या सुमारास उघडकीस आली आहे. घटनास्थळी पोलिसांनी धाव घेत तपास सुरु केला आहे. घटनेची माहिती मिळताच एमआयडीसी पोलीस ठाण्याचे निरीक्षक यांच्यासह पथकाने धाव घेतली. मृत तरुणाचा खून का केला? कुणी केला? याचा अद्याप उलगडा झाला नसून पोलिसांनी तपासचक्रे वेगाने फिरवली आहेत. परंतु मृत तरुणाची बॅग रस्त्याच्या कडेला मिळाली आहे.