ट्रेनमध्ये प्रवासात मोठ्या आवाजात गाणी ऐकल्यास वसूल करणार दंड, काय आहे नियम?

तुम्ही रेल्वेने नेहमी प्रवास करत असाल तर ही बातमी तुमच्यासाठी अत्यंत महत्वाची आहे. दक्षिण रेल्वेच्या नव्या नियमावलीनुसार, रेल्वे प्रवासात मोबाइलवर मोठ्या आवाजात गाणी ऐकली, व्हिडिओ बघितले किंवा फोन स्पीकरवर ठेवून मोठमोठ्या आवाजात बोलून इतर प्रवाशांना त्रास दिला तर त्याचा मोठा फटका बसू शकतो. कारण अशा प्रकारे गोंगाट करणाऱ्यांवर कारवाई केली जाणार आहे.

दक्षिण रेल्वेच्या नव्या सूचनेनुसार, पहिल्यांदा असा प्रकार केला तर, एक हजार रुपयांपर्यंत दंड आकारला जाऊ शकतो. वारंवार सांगूनही न ऐकल्यास आणि असाच त्रास देणे सुरू ठेवले तर रेल्वे कायद्याच्या कलम १४५ अंतर्गत संबंधिताला सहा महिन्यांपर्यंत तुरुंगवास, ५ हजार रुपये दंड किंवा दोन्ही शिक्षा होऊ शकतात.