Video: कृष्णा नदीच्या पाणी पातळीत वाढ, सांगलीत मुसळधार पाऊस

Sangli Rain News: सांगलीच्या शिराळा तालुक्यातील चांदोली धरण पाणलोट क्षेत्रात पाऊसाची संततधार पाऊस सुरू असून अतिवृष्टी कायम आहे. त्यामुळे चांदोली धरण आता 82 टक्के इतके भरले आहे. तर धरणात पाण्याची आवक सुरूच असल्याने धरणातून 3 हजार 800 क्यूसेक पाण्याचा विसर्ग करण्यात येत आहे. त्यामुळे वारणा नदीच्या पाणी पातळीत आणखी वाढ होणार आहे. शेतीमध्ये पाणी शिरल्याने शेतीच नुकसान होत आहे. तर दुसऱ्या बाजूला कृष्णा नदीच्या पाणी पातळीत अडीच फुटांनी वाढ झाली आहे. काल 27 फुटावर असणारी कृष्णा नदीची पातळी साडे 29 फुटावर जाऊन पोहोचली आहे. सांगली शहरात ही पावसाची संततधार सुरू असल्यामुळे पाण्याच्या पातळीमध्ये वाढ होत आहे.