Pune Heavy Rain Update: मुसळधार पावसामुळे भिडे पूल पाण्याखाली!

पुण्यात पावसाने थैमानं घातलं आहे. रस्त्यांना नदीचे स्वरुप आलं आहे. रस्त्यांवर मोठ्या प्रमाणात पाणी साचल्याने नागरिकांना मोठ्या समस्यांना सामोरे जावं लागत आहे. असाच पाऊस सुरु राहिला तर अजूनही बिकट परिस्थिती निर्माण होऊ शकते. वाहनचालकांना पाण्यातून मार्ग काढताना मोठी कसरत करावी लागत आहे. रात्रभर कोसळणाऱ्या पावसामुळे नदी-नाले तुडुंब भरुन वाहू लागले आहेत. धरण पाणी साठ्यात मोठ्या प्रमाणात वाढ झाली आहे. अनेक मार्ग हे वाहतुकीसाठी बंद करण्यात येण्याची शक्यता वर्तवली जात आहे. अनेक जिल्ह्यात मुसळधार पाऊस सुरु आहे.