Red Alert : मुंबई, ठाणे रायगडला 4 तासांसाठी रेड अलर्ट | VIDEO

मुंबई, ठाणे आणि रायगड जिल्ह्यांसाठी पुढील चार तासांसाठी हवामान विभागाने रेड अलर्ट जाहीर केला आहे. राज्यात आज सकाळपासून अनेक ठिकाणी जोरदार पाऊस होत असून मुंबई, ठाणे, रायगड या किनारपट्टी भागांसह पुणे व साताऱ्याच्या घाटमाथ्यावर मुसळधार पाऊस पडत आहे. हवामान खात्याच्या अंदाजानुसार पुढील काही तासांत पावसाचा जोर आणखी वाढण्याची शक्यता आहे. मुसळधार पावसामुळे मुंबईत सखल भागांत पाणी साचले असून रस्त्यावरील वाहतुकीवर परिणाम झाला आहे. रेल्वे आणि बससेवाही संथ गतीने सुरू आहेत. प्रशासनाने नागरिकांना आवश्यक असल्याशिवाय बाहेर न पडण्याचे आणि सुरक्षित ठिकाणी थांबण्याचे आवाहन केले आहे.