Dilip Mhaske News : हिंगोलीमध्ये उमेदवारावर जीवघेणा हल्ला

Deelip Mhaske News : हिंगोलीच्या कळमनुरी विधानसभा मतदारसंघाचे वंचित बहुजन आघाडीचे उमेदवार डॉक्टर दिलीप मस्के यांच्यावर मध्यरात्री अज्ञात हल्लेखोरांनी हल्ला केला असल्याची माहिती मिळाली आहे. हिंगोली कळमनुरी राष्ट्रीय महामार्गावरील सेल्सुरा फाटा येथे ही घटना घडली असून, या घटनेत उमेदवार दिलीप मस्के हे जखमी झाले आहेत. दरम्यान मस्के यांना तातडीने हिंगोलीच्या खासगी रुग्णालयातून पुढील उपचारासाठी नांदेडला पाठवण्यात आले आहे. या घटनेचा वंचित बहुजन आघाडीने निषेध केला आहे. हल्ला करणाऱ्या आरोपी विरोधात तातडीने गुन्हा दाखल करून अटक करावी अशी मागणी देखील वंचितच्या कार्यकर्त्यांनी केली आहे.

छत्रपती संभाजीनगरमध्ये सुरेश सोनवणे यांच्यावर हल्ला

गंगापूर खुलताबाद विधानसभा मतदारसंघाचे अपक्ष उमेदवार सुरेश सोनवणे यांच्यावर प्राणघात हल्ला करण्यात आला आहे. धामोरी शिवारात ही दगडफेक करण्यात आली आहे. यामध्ये प्राध्यापक सुरेश सोनवणे गंभीर जखमी झाले असून त्यांना तातडीने रुग्णालयात दाखल करण्यात आला आहे.